Беҳтар намудани омодагӣ ва устуворӣ ба офатҳои табиӣ дар ҶТ
Лоиҳаи
“Баланд бардоштани омодагӣ ва устуворӣ ба офатҳои табиӣ дар Тоҷикистон”
Маълумот оид ба лоиҳа
Ассотсиатсияи Байналмилалии Рушд ба Ҳукумати Ҷумҳурии Тоҷикистон барои маблағгузории лоиҳаи “Баланд бардоштани омодагӣ ва устуворӣ ба офатҳои табиӣ дар Тоҷикистон” 50,0 миллион доллари ИМА грант ҷудо намуд.
29 июни соли 2022 Созишномаи маблағгузорӣ байни Ҷумҳурии Тоҷикистон ва Ассотсиатсияи Байналмилалии Рушд, ки аз ҷониби Вазорати молияи Ҷумҳурии Тоҷикистон (ВМ ҶТ), Вазорати нақлиёти Ҷумҳурии Тоҷикистон (ВН ҶТ) ва Кумитаи ҳолатҳои фавқулодда ва мудофиаи граждании Ҷумҳурии Тоҷикистон (КҲФ ва МГ) амалӣ карда мешавад, ба имзо расид.
Ҳадафи Лоиҳа:
Расонидани кӯмак ҷиҳати барқарорсозӣ баъд аз офатҳои табиӣ, баланд бардоштани устувории роҳҳои муҳими автомобилгард ва пурзӯр намудани иқтидор оид ба идоракунии хатари офатҳои табиӣ.